TUIS | BIOGRAFIE | OPTREDES | MUSIEK | KONTAK facebook you tube


Liedjieskrywer en Sanger van Afrikaanse en Nederlandse Kleinkuns

Jannie du Toit is 'n liedjieskywer, internasionale sanger en pionier in die ontwikkeling van Afrikaanse musiek.

Sedert sy beginjare as sanger op die eerste toetsuitsendings van SATV in 1975 en as lid van die Afrikaanse folkgroep TRILOGIE, het die een hoogtepunt na die ander gevolg. Die inpalm van die "Honorary Mention Prize" in die American Song Festival, het hierdie suksesvolle musiekreis behoorlik laat vlam vat.      

vir meer oor Jannie se optredes.

DOEP IS NIE DOOD NIE

Jannie du Toit: kitaar en sang, Susan Mouton: tjello en Coenraad Rall/Chanie Jonker: klavier en akkordeon, Clinton Zerf: musiekverwerkings, Carl Theunissen: samestelling en regie

Doep is nie dood nie is 'n eenman-aanbieding met teks- en musiekgrepe oor die lewensbeskouing en werk van Koos du Plessis. Koos is in Januarie 1984 op jeugdige leeftyd oorlede, maar sy nalatenskap bly 'n bron van wysheid en voortlewende musiek.

Dertig jaar na sy afsterwe, word dit in hierdie verhoogproduksie duidelik hoe lewend en toepaslik sy siening van die lewe steeds bly, hoe treffend sy liedkuns. Jannie du Toit, 'n groot vriend van Du Plessis, sit hiermee sy werk voort om Koos se musiek by 'n volgende geslag te laat voortleef.

Hierdie produksie is nou reeds meer as 100 keer aangebied en ‘n dvd-opname word vanaf Oktober 2015 op KykNet uitgesaai.

DIE CORDON BROERS se KOSSÊRT

Jannie du Toit, sang en kitaar en Lochner de Kock, kospraatjie/demonstrasie en sang. 'n Luister-en-proe-allegaartjie van formaat. Die gehoor word vermaak met kosdemonstrasies, anekdotes, wenke, staaltjies en musiek uit die twee kunstenaars se reise deur hulle kos- en musiekervarings.

Lochner is jare lank reeds konsultant by Jannie se Agterplaas B&B waar hulle elke oggend gesellig met vriende uit die omgewing om die ontbyttafel kuier.

HARTSNAAR - met kitaar en tjello

Jannie du Toit en Susan Mouton verf in hulle program HARTSNAAR met die wonderlike klankkleure wat die kombinasie van tjello, kitaar en stem kan bied. Hulle bekoor met Jannie se eie liedjies, maar ook met gunstelinge uit sy jeugjare soos liedjies uit die FAK asook musiek van die Beatles, Ralph McTell en Paul Simon.

Daarby kom werk van sy Afrikaanse en Nederlandse vriende maar ook musiekhelde soos die kabaretmeester Jacques Brel asook enkele instrumentale werke vir tjello en kitaar wat verder sorg vir merkwaardige verskeidenheid.

KERS / GEESTELIKE PROGRAM

Jannie beskik oor 'n repertorium van geestelike liedere met besielende boodskappe wat grootliks sy eie persoonlike belewenis asook toonsettings van skrifgedeeltes (sommige daarvan saam met Christa Steyn geskryf) verteenwoordig.

Dit is sang met begeleiding op klavier en/of tjello en kitaar wat verkieslik ingeskakel word by die boodskap van die leraar by 'n erediens.

KIEKIES - LUCAS SE LIEDJIES

Lucas Maree se liedjies met Jannie (kitaar en sang), Susan Mouton (tjello) en Thean Kotze (kitaar en sang). Lucas het as liedkunstenaar min gelykes in Afrikaans. Jannie en Thean herontdek sy verbeeldingryke kyk na die lewe en laat die gehoor met persoonlike anekdotes iets beleef van sy uitsonderlike menslikheid en kreatiewe gees.



om te kyk na 'n video van "PIE JESU" van die album Diepverlange
met Jannie du Toit, Coenie de Villiers en Chris Chameleon

om te kyk na die video "Die eggo van jou oë"
met Renette Bouwer en ensemble

vir fotos van Jannie.



Doep is nie dood nie
Coenraad Rall, Jannie du Toit, Susan Mouton


Die Cordon Broers se Kossêrt
Lochner de Kock en Jannie du Toit




Kiekies – Lucas se liedjies
Jannie du Toit, Susan Mouton, Thean Kotze



tuisblad  |  biografie  |  optredes  |  musiek  |  kontak  |  voorwaardes