nou begin die vingers
deur die snare vaar
vyf donker treurende singende altegaar
nou begin die klag van die kitaar

die stilte van die skemeruur
van elke blom en blaar
die stilte van die eerste ster
en van die slapende snaar

die stilte diep binne in die stilte
en hulle roep mekaar
nou begin die klag van die kitaar

nutteloos om hom stil te maak
onmoontlik dat hy sy klag sal staak
nou begin die klag van die kitaar