As ek voor Hom kon staan
dan sou ek dringend dít wou vra:
Heer laat ons nie maar net begaan nie
gryp in in die verloop -
is daar nog hoop?

As Hy hier sou staan
sou ek wanhopig hard wou uitskreeu:
waarom word daar na soveel eeue
nog steeds gestry
nog steeds gely?

Dona nobis pacem
gee ons vrede
nou - gee dit nou!

As ons voor Hom kon staan
sou Hy dan doof bly vir gebede
wat smeek sedert die tuin van Eden?
gee ons vrede - gee ons vrede!